Dear Balahibong Pusa

Dear Balahibong Pusa,

Kamusta na? Ang tagal na natin hindi nagkikita. Kahit sa cyberspace di kita nakikita. Since we graduated back in 2004 eh wala na ako nabalitaan tungkol sayo maliban sa nung isang beses na nakita ka raw ng friend natin sa isang mall. Anu na ba nangyari sayo? Anu nang balita sayo? Anu na kaya hitsura mo ngayon? Marami pa ako gusto itanong sayo.

Alam mo ba hanggang ngayon kras na kras pa rin kita?! Madalas pa rin kita iniisip. Madalas pinapangarap ko sana makita kita ulit. Iba't-ibang eksena ang naglalaro palagi sa isip ko, na sana darating ang araw na mag-krus ulit tayo ng landas at sa pagkakataon na iyon ay sana di na ako sobrang nahihiya sayo at magkakaroon katuparan ang fantasy love story ko para sa atin dalawa.

Nanghihinayang ako na sa apat na taon na tayo ay naging magkaklase noong high school eh di ko nagawang mapalapit sayo. Masyado kasi ako nahihiya sayo noon kasi nga kras kita. Pero natutuwa pa rin ako dahil magaan ang loob mo sakin. Alam ko kasi tahimik ka at di masyado nakikisama sa buong klase. Sayang, kung di lang siguro ako nahihiya sayo at di kita iniiwasan eh baka mas naging close ako sayo.

Marami ako gusto sabihin sayo. Gusto ko sabihin sayo na kras kita. Pero alam mo na nga pala. Di ko pa rin makalimutan ang nangyari noon habang nagmimisa sa covered courts. Ang ingay ko kasi, pinalipat tuloy ako ni Maam ng upuan at napunta tuloy ako sa harap ng upuan mo. At habang tahimik na akong nakikinig ng misa ay bigla mo na lang hinila at itinihaya ang upuan ko na monobloc palapit sa iyo. Nagulat ako, di ko napansin na ikaw pala nasa likuran ko. Pero ang mas ikinagulat ko ay nang habang nakatihaya ang upuan ko ay bigla mo akong tanungin "may crush ka sakin no?" At wala na akong nasabi, kunwari dedma lang ako. Pero sa loob ko ang daming tanong ang gumugulo.

Nagbibiro ka lang ba nung sinabi mo yun? Paano mo naman nalaman na kras kita? Ganun ba ako ka-obvious? Bakit mo naitanong yun? Paano kung sinabi kong OO kras kita?


Lab,
odin